अष्ट्रेलियामा माघी महोत्सव आयोजना हुँदै
अष्ट्रेलियामा बसोबास गर्ने थारू समुदायले माघीको अवसरमा सिड्नीमा ‘माघी महोत्सव’ को आयोजना गर्ने भएका छन्।
थारू सोसाइटीले सिड्नीमा विविध कार्यक्रमसहित आगामी माघ १ गते अर्थात जनवरी १५ आइतबार ‘माघी महोत्सव’ गर्न लागेको हो।
मध्यान्ह १२ बजेबाट विटलाम पार्कमा सुरू हुने माघी महोत्सवमा थारू पहिचान र संस्कृति झल्कने विविध कार्यक्रमहरू प्रस्तुत हुनेछन्।
सोसाइटीका पब्लिक अफिसर अरुण आर्यन चौधरीका अनुसार कार्यक्रमस्थल टेम्पी रेल स्टेसनबाट छोटो पैदल दुरीमा रहेको छ।
कार्यक्रममा थारू रीतिरिवाज अनुसारका नाचगान र खानपिनसहित हुने सो कार्यक्रममा उपस्थितिको लागि थारू सोसाइटी अफ अष्ट्रेलियाले सम्पूर्ण थारू समुदाय लगायत सबै नेपाली दाजुभाइ-दिदीबहिनीलाई अनुरोध गरेको छ।
प्रकाशित मिति: बुधबार, पुस २७, २०७९ २२:५८
प्रतिक्रिया दिनुहोस्
