पोर्चुगिज स्ट्राइकर क्रिस्टियानो रोनाल्डोले साउदी अरेबियन क्लब अल नासरका लागि पहिलो ह्याट्रिक गरेका छन्।
साउदी प्रो लिग अन्तर्गत बिहिबार राति सम्पन्न खेलमा घरेलु टोली अल वेहदामाथि अल नासरले ४-० को फराकिलो जित निकाल्दा चारै गोल रोनाल्डोले गरेका हुन् ।
किङ अब्दुल्लाजिज स्पोर्टस सिटी स्टेडियममा रोनाल्डोले खेलको २१औं मिनेटमा गोलको खाता खोलेका थिए । रोनाल्डोले ४० औं मिनेटमा ब्यक्तिगत तथा टोलीका लागि दोस्रो गोल गरेका थिए । उनले ५३ औं पेनाल्टीमार्फत गोल गर्दै ह्याट्रिक पूरा गरे ।
यो उनको अल नासरका लागि पहिलो तथा आफ्नो करिअरको ६१औं ह्याट्रिक हो ।
रोनाल्डोले ६१ औं मिनेटमा व्यक्तिगत र टोलीका लागि चौथो गोल गरे । यो रोनाल्डोको करियरको ५०३ औं लिग गोल हो । उनले व्यवसायिक खेलमा ७०६ गोल गरेका छन् ।
रोनाल्डोले २०१९ पछि एकै खेलमा चार गोल गरेका हुन् । सेप्टेम्बर २०१९ मा पोर्चुगलले लिथुआनियालाई ५-१ ले हराएको खेलमा रोनाल्डोले चार गोल गरेका थिए ।
रोनाल्डोले पछिल्लोपटक १६ अप्रिल २०२२ मा इंग्लिस प्रिमियर लिगमा नर्विच सिटीविरुद्ध ३-२ को जित निकालेको खेलमा ह्याट्रिक पूरा गरेका थिए । उनले पोर्चुगलबाट १०, म्यानचेस्टर युनाइटेडबाट तीन, रियाल मड्रिडबाट ४४ र युभेन्ट्सबाट ती ह्याट्रिक पूरा गरेका छन् ।
रोनाल्डो यसै वर्ष अल नासरमा आबद्ध भएका हुन् ।
